احمد لودين

په کندهار ښار کي اولسي جرګي ته پر کانديد حميدزي لالي باندي چاودنه وسوه .
چاودنه نن سهار نهه نيمي د کندهار ښار لويديځ لوري ته د ميرويس ميني په سيمه کي د نوموړي پر موټرونو هغه وخت وسوه کله چي يي موټر پر سړک تيريدي نوماند حميدزي لالي بينوا ته پر ده باندي د چاودني پخلي وکړ . لالي وايي درنه چاودنه پري وسوه موټر يي څه ناڅه ور زيانمن کړ خو ده او دده ساتونکو ته يي زيان نه دي رسولي . دده په خبره چاودني په سيمه کي يوه ميرمن او يوه انجلي ووژل .
د کندهار دامنيه قوماندانې دامنيت امر  فضل احمد شيرزاد هم د پيښي پخلي کوي او وايي چي په نوموړي پيښه کي نوماند حميدزي ته کوم زيان نه دي رسيدلي خو په پيښه کي دوي ميرمني ټپياني دي اويوه ماشومه انجلي وژل سوي ده
د کندهار د ميرويس روغتون چارواکي وايي چي دوي ته ديادي پيښي دوي ټپي ښځي او يوه مړه انجلي ور وړل سوي دي چي په ټپيانو کي د يوي ښځي حالت نازک دي